"Mayestro Simo" تحت الأضواء

gelsomino كتب:

سدئت سؤال الهوايات
كنت محتارة آم حطيتو تئفيل

ما في المطالعة وركوب الخيل والمراسلة ؟؟

عندي هواية بموت من دونها نستها هيي التئفيل ع العالم
وفصفصة البزر و الئعدة ناح الشباك

Nour_sinye كتب:

أسئلة خفيفة نضيفة: كم سيجارة بدخّن باليوم؟
وفي شي يوم مادخنت ولاسيجارة؟ واذا اي ليش؟
ومن مين مكتسب هالعادة الصحية ؟

1_بدخن شي 30 سيجارة (باكيت و نص)
2_و الله مرء عليي يومين مادخنت فين لاني الصراحة ازا دخنت كنت بموت مشان هيك اجلتها مع اني خرمت كتير
3_انا من الناس الئليلة اللي دخنت من حالي من دون ما حدا يعلمني من 5 سنين كنت معصب امت قررت اشتري باكيت لاني بسمع انو الدخان بفش الخلئ ,وهداك يوم و هاد يوم ما كنا نبطل هل السوسة بس انشالله قريبآ

sarah black كتب:

أدي بتوقف كل يوم ادام المراية؟؟؟

وئت كان شعري طويل كنت وئف شي تلت ساعة
بس هلأ متلي متل كل هل العالم شي 5 دقايق
هي هيي

اذا حبيت شخص لاي درجة ممكن تحبوا؟
واذا كرهت شخص لاي درجة ممكن تكرهوا؟

Mo3Az كتب:

سؤال صغير ..بس جوابو كبير ...
عطينا صفة بتحبها بشريكة حياتك ... صفة ضمنية طبعاً

سؤالك حلو و جوابي كمان حلو
هاد ياسيدي أنا بحب البنت تكون عئلها كبير و ما بتحب الولدنة منوب نسيانة انها مارة بهيك مرحلة
و الأهم من هيك أنها يكون عندها شخصية قويّة و تكون بتحب النقاش و بتنظر للامور من منظوري وهيك...

GEORGE كتب:

اذا حبيت شخص لاي درجة ممكن تحبوا؟
واذا كرهت شخص لاي درجة ممكن تكرهوا؟

ازا كان رفيئ بحبو متل اخي و بكون معو ع الحلوة و المرة و مستحيل اني اغدر فيه
و ازا كانت حبيبتي بحبها بعد الله و بخلص الها و ما بفكر اني خونها او اكزب عليها ابدآ
اما ازا كرهت شخص ف بحاول ما عاد شوفو منوب لانو ح يئرئني و ائرئو و خاصة اني واحد ما بيسكت ع الزاحلةمنوب

يلا وهي كم سؤال اسمي فاضية ورايئة من غير شر

1. بلد بتتمنى تزورها؟
2. بتحب حالك؟ يعني انت رضيان عن حالك؟
3. حقيقة عشوائية عن وسيم
4. اذا ربحت مليون دولار .. شو أول شي بتعملو فيون؟
5. شخص بحياتك بتكرهو كتير
6. شو أول شي بيلفت نظرك بالشخص بس تتعرف عليه؟
7. حكمة بتآمن فيها؟
8. صفة الناس دائما بيئلولك انها فيك بس انت بتلائي انك مو هيك؟
9. شغلة عاملها وندمان عليها؟
10. هلأ أنا بعرف انو بتحب من أسماء الصبيان أحمد .. والله يرزئك فيه للعينتين
بس شو بتحب من اسماء البنات؟

يلا هي جرعة مرتبة .. مشان ما عاد تئلي وين يلي بدو يسأل

gelsomino كتب:

شو أكتر غنية بكل حياتك حبيتها؟؟

كتير ة هيي الاغاني اللي حبيتها بس من الاغاني اللي بسمعهن كتييير:
غنية تركية اسمها
kalp kalpe kars ومعناها بلعربي قلبي من جوا محطم
و بلعربي بحب غنية لأليسا اسمها من ئلبي تمنيت

gelsomino كتب:

وتعقيباً على سؤال نور

بنفسك تبطلو للدخان ولا لأ؟ يعني حابب تحاول؟

اي و الله بتمنى و عم نحاول حاليآ (الله يكون معنا و يئوي ارادتنا)

gelsomino كتب:

يلا وهي كم سؤال اسمي فاضية ورايئة من غير شر

1. بلد بتتمنى تزورها؟
2. بتحب حالك؟ يعني انت رضيان عن حالك؟
3. حقيقة عشوائية عن وسيم
4. اذا ربحت مليون دولار .. شو أول شي بتعملو فيون؟
5. شخص بحياتك بتكرهو كتير
6. شو أول شي بيلفت نظرك بالشخص بس تتعرف عليه؟
7. حكمة بتآمن فيها؟
8. صفة الناس دائما بيئلولك انها فيك بس انت بتلائي انك مو هيك؟
9. شغلة عاملها وندمان عليها؟
10. هلأ أنا بعرف انو بتحب من أسماء الصبيان أحمد .. والله يرزئك فيه للعينتين
بس شو بتحب من اسماء البنات؟

يلا هي جرعة مرتبة .. مشان ما عاد تئلي وين يلي بدو يسأل

تكرم عيوووووووووونك:
1.تركيا أكيد
2.اي الحمدلله (بس مافي انسان كامل) الكمال لالله
3.من الصعب اني انسى أو سامح بسرعة (حسب الشخص اللي غلطان بحئي)
4.بوشي ع مدريد بروح بحضر مباراة الريال و برشلونة بل V.i.P. و بطريئي بعمل سياحة حول العالم(100)دولة
5.عندي ابن عم مفزلك ما بحبني ولا انا بحبو من صغري بكرهو
6.منطقو و حديثو (بكره الولدنة و العئل الصغير)
7.أعطي كل ذي حق حقه
8.بئولو عني أشئر بس أنا مو أشئر كل هل الأد والله (وأنتي منن)
9.أني علئت بلدخان و ما عاد ائدر بطلو!!!!
10.يارا.ليلى.ديما.نتالي.و اللي بكرهن :روان.هبة.نسرين و القائمة تطول

شو يلي خلاك تشجع الوحدة

Mayestro Simo كتب:

gelsomino كتب:

وصفلي مشاعرك نحو المرسوم الجديد

عادي كتير بس تدايئت شوي و انا آعد بلمئصف معو معو بنتعود

سؤال حلو :
مرة حكيت عن اختك انو اجت فيقتك , حكيلي كيف علاقتك معها؟؟؟

كيف يتوصفلنا طفولتك؟ كيف كانت؟ وانت كنت ولد شئي أو
"هادي" مع إني بشك!

bahaaa كتب:

شو يلي خلاك تشجع الوحدة

و الله اللي خلاني شجع الوحدة هو اني من وئت ما كنت صغير بنزل ع النادي وتدربت فيه بفئات الصغار و الأشبال و أأول الناشئين لوئت ما بلشت دخن وئفت عن التدريب !!!!
و نحنا و زغار ما كنا نسمع غير بنادي الوحدة وانا كنت حبن لفريئ السلة
يعني فيك تئول اني وحداوي بلفطرة

sarah black كتب:

سؤال حلو :
مرة حكيت عن اختك انو اجت فيقتك , حكيلي كيف علاقتك معها؟؟؟

أنا كنت عم احكي عن أصغر اخت عندي (صف تالت) يعني لساتها زغيرة و ما فهمت عليي
بس بشكل عام أنا بتعامل مع أخواتي ك رفيئ أكتر من أخ ان كان بلنسبة للكبار و الصغار
و عندي اخت أكبر مني بسررلها و بحكيلها كلشي عم يصير معي (فيكي تئولي أنها أكتر أخت مقربة لالي)

gelsomino كتب:

سؤال كمان حلو مستوحى من عند سوس:

شو شعورك انك وحيد؟ مبسوط ولا كنت بتتمنى يكون عندك أخ؟

هلأ من كم سنة كنت أتمنى كتير انو يكون عندي أخ (من 8 سنين هل الحكي)
بس هلأ بهل الوئت صرت متأقلم اني وحيد و فكرت أنو ازا كان عندي أخ أصغر مني بشي 12 سنة أو أكتر
مالي ح استفيد شي غير اني وجهو و اسمعلو مشاكلو (لأنو فارء العمر بيناتنا صار كتيييير)
هيك الله بدو ياني ضل وحيد (لا اعتراض على مشيئتو) بنشكر الله على كلشي