"Mayestro Simo" تحت الأضواء

لك أهلين بأبو السيم والله هلأ حبلش أنا بسؤال سهل يلا خلي الصعب لبعدين , سؤالي الك هو
شو أكتر كتاب قرأتو وحبيت الأفكار يلي موجودة في (رواية,قصة,ديوان شعر,كتاب علمي,خواطر.....الخ).
لا تطول بالاجابة ها ناطرين الرد

أهلا و سهلا فيك سميو ..
بدي أسألك سؤال صغير حاليا .... و بخلي القوايا لبعدين ..
ليش غيّرت لون سكسوكتك للأصفر !!

بهاء الدين كتب:

لك أهلين بأبو السيم والله هلأ حبلش أنا بسؤال سهل يلا خلي الصعب لبعدين , سؤالي الك هو
شو أكتر كتاب قرأتو وحبيت الأفكار يلي موجودة في (رواية,قصة,ديوان شعر,كتاب علمي,خواطر.....الخ).
لا تطول بالاجابة ها ناطرين الرد

الصراحة اكتر شي بئراه هو الشعر و خاصة ازا كان ئديم بحسو الو معنى اكتر
و اكتر شاعر بحبو هو المتنبي انسان فهمان للحياة و حكيم مع انو ما كان تمام بس عجبني بيستهويني شعرو!!!!
قرأتلو منيح بس و الله هلأ مئصر بحئ القراءة من الكتب ,بعتمد اكتر ع التلفزيون و النت.

gelsomino كتب:

من ايمتى كل هالحب بئلبك للريال؟؟ وليش اخترت هالنادي بالزات؟

الله حيو ياسو المدريدية و الله هل الاستفتاحة مباركة منك
هاد يا ستي أنا مدريدي من سنة ال 99 وئت كان عمري 9 سنين!!!
هل النادي بعشئو اكتر من منتخب سورية(الصراحة حلوة)ما!!!!
و معاهد حالي اني ح ضل عم شجعو لآخر يوم بحياتي لأنن فريق محترم و جماهيرو راقية و الاهم من هيك انو اكبر نجوم العالم لعبت معو و البقية تأتي(نادي القرن)

Mo3Az كتب:

أهلا و سهلا فيك سميو ..
بدي أسألك سؤال صغير حاليا .... و بخلي القوايا لبعدين ..
ليش غيّرت لون سكسوكتك للأصفر !!

انا بحب التغيير بكلشي (بحياتي و بشكلي و بلبسي )
أما بلتحديد فلصبغة كانت مو خاطرة ببالي منوب و الله
بس وئت رحت لعند الحلاق ,شفت الموديل و عجبني و صار اللي صار
أنا بكره الروتين أكتر من أية شي تاني.........

شو شايف ما عنكن اسئلة
وين اللي بدو يحرجنا و يهلكنا بأسئلتو
صح انا صريح بس لحئو حالكن بكم سؤال ئبل ما يفوت الاوان و نبطل نعطي تصاريح ها

اي تكرم عينك مايسترو: خدلي هالسؤال: اعطيني صفة بتحبا بكل شخص فينا وصفة بتكرها " نفسية أو جسمية حيّلا.؟ بصراحة
مشان نحسّن حالنا. مو مشان شي

سؤال تاني: شو أكتر مرحلة حبيتا بحياتك؟ وبتتمنى تنعاد مرة تانية؟ وليش

شلونك سيمو السؤال ع الشكل التالي :

عدوك أو غريمك شو بيعنيلك ؟؟؟؟؟؟؟؟

Nour_sinye كتب:

اي تكرم عينك مايسترو: خدلي هالسؤال: اعطيني صفة بتحبا بكل شخص فينا وصفة بتكرها " نفسية أو جسمية حيّلا.؟ بصراحة
مشان نحسّن حالنا. مو مشان شي

لعيونك بس ما تزعلو مني ازا حكيت شي غلط بتضل وجهة نظر:
االايجابيات:
نور: حبابة و ما بتزعّل حدا
سارة:ظريفة
ياسمين: قلبها طيب و بيسع الكل
جورج:بيفهمني
جعفر : دمو خفيف
عدي: ما بينشبع منو
مؤيد:ما بخلي ع الئلب هم
معاذ:فهمان
بهاء :عئلو كبير و اخلاءو عالية
أما السلبيات بوجهة نظري(طبعن): نور: يتنفعل بسرعة
سارة: بتتصرف بغرابة احيانآ (بتحب بسرعة و بتكره بسرعة)!!
ياسمين: بتتعامل مع العالم بنية صافية مع انو مو كل العالم بتستاهل و ( بتلعب بئداحتي)
جورج:بعصّب بسرعة
جعفر:ما بيثبت ع رأي
عدي:النقاش معو بعزب(وغالبآبنصل لطريق مسدود)
معاذ:بيحكي دج (أحيانأ)
بهاء:متسرع

يلعن ديبك يا نور علئتينا مع العالم!!!!!!

Nour_sinye كتب:

سؤال تاني: شو أكتر مرحلة حبيتا بحياتك؟ وبتتمنى تنعاد مرة تانية؟ وليش

و الله أكتر مرحلة حبيتها هي سنة البكالوريا (الاعادة)لانو حياتي صارت منظمة كتير و جابت نتيجة و الأهم من هيك اني فرحت أهلي كتير و سكتت العالم اللي همها تراقبني و بس.
بس ع الأكيد ما بتمناها تتكرر بس بتمنى اني ترجعي همة و حيوية سنة البكالوريا هلأ مشان يصير معي نفس النتيجة انشالله
اللي بتمناها تتكرر هيي سنة الحادي عشر لاني وئنها تركت المدرسة و سجلت بمعهد و صعت على كيفي!!!!

Romans" messi كتب:

شلونك سيمو السؤال ع الشكل التالي :

عدوك أو غريمك شو بيعنيلك ؟؟؟؟؟؟؟؟

أنا الصراحة أعدائي قلال لأني ما بحب المشاكل بس ازا صار ولابد
مابترك هل الزلمة لحتى ردلو الصاع صاعين (لأنو عندي العين بلعين و السن بلسنو البادي أظلم)ولو طولت الشغلة ما عندي مشكلة ذاكرتي قويّة!!!!!

أسئلة خفيفة نضيفة: كم سيجارة بدخّن باليوم؟
وفي شي يوم مادخنت ولاسيجارة؟ واذا اي ليش؟
ومن مين مكتسب هالعادة الصحية ؟

ياسمين شو اصتك انتي وهالسؤال تبع الهدية؟؟؟؟؟
دوري اسأل بس بدي جواب صريح ها
أدي بتوقف كل يوم ادام المراية؟؟؟

لا تعصبي مجرد سؤال بريئ

gelsomino كتب:

شو هواياتك

هوايتي الرياضية كرة القدم ,أما العادية فهي شوفة التلفزيون(مسلسلات,مباريات,برامج تاريخية)
هاد غير اني بحب التعليق على المباريات كتير

gelsomino كتب:

شو أحلى هدية اجتك بحياتك ؟ ومن مين كانت؟

الهدية كانت موبايل( الدمعة )و الصراحة حبيتها لاني وئتها وزنت بلموبايل بطريئة مو طبيعية و كان عمري 14سنة
و كانت هل الهدية الوازنة من أمي الله يخليها فوء راسي.