تعا بلّش تأليف معنا .....

قلو زعيم القاووش هلأ هي شغلتك تضرب شو معت لك انت ليش جابوك لعنا هون كلو يا حشيش يا نصب يا دجل يا قتل شغلات وازنة وعليها قيمة يعني مو تحرش لك تضرب شو معت ومالك فكاها ولا مازية اوم من وشي ولا (وبينادي زعيم القاووش الحوت لمساعدو الاخطبوط وبقلو:خود هالجدبة وفهمو على الوضع هون وبتخليه ينضف الحمامات يلا بسرعة تضرب منك الو اوام)الخطبوط:امرك زعيم وبيشد كتكوت من اوعي بئرف يلا ولا .........................

كتكوت ما لآها حلوة ع حالو وحاكى حالو و قال:العمى ع هل الدنيي جاية عليي من اول ما خلقت من أهلي و جر ...لك الأريضة شو الله مو كاتبلي الا التعتير و صار يردد بصوت عالي :هي موتة وحده مافي غيرها خليني موتها و انا مرفوع الراس مو وانا بلحمامات...(أجلكم الله)
المهم آل للحوت حمامات ما بنضف شو طالع بايدك عملو ...و هل الرقبة ما بشيلها الا اللي خلئها
و صار بيناتهن خناءة بلشبريات و المواس (راس ع راس) و الحئيئة كتكوت اقدر يلويلو دراعو للحوت ابو درغام بس للاسف شبرية غدر و خيانة عبت بضهرو من الأخطبوط الخاين ....
كتكوت عطاكن عمرو و الجريمة الشنيعة تسجلت ضد مجهول بصغة دفاع عن النفس .....يعني انهدر دم عمنا كتكوت ببلاش .

الله يرحمك يا كتكتوت شو كنت زلمة ابضاي لآخر دئيئة بحياتك
انا لله و انّا اليه راجعون الفاتحة ع روحو الطاهرة..

شو بدنا نعمل داء خلئنا من الئصة والله!!!!!

كتكوت مات وشبع موت كمان ,بس في حقيقة ما حدا بيعرفها انو وفي ليلة من الليالي يلي قضاها كتكوت بالادقية لعب الشيطان بعئلو ,كتكوت وفي حالة يأس من لقاء الحبيبة وعئ بالمحظور وجرتوا احدى بنات الهوى ليرتكب الخطأ معها وصار يلي صار ,ومرت الايام وحصل يلي ما كان بالحسبان بنت الهوى تحمل من كتكوت وصارت تدور على والده ولكن دون فائدة وبعد عدة أشهر تنجب طفلة بعد عملية شق بطن ماتت على اثرها الام ونقلت الفتاة الى ملجئ الايتام ..............................................................

المهم وبلا طول سيرة سافر فوزي للغوادالوب مشان يدوّر على رفيق أبو يلي متذكر القصة ولما وصل فوزي لهنيك دور بسراج وفتيلة عن الزلمة وما خلا مكان ما سأل في عنو وأخيرا" اندل على مكانو بس وصل متأخر لأنو لما وصل على بيت رفيق أبو شاف جنازة طالعة من البيت ولما سأل عنها عرف انها لرفيق أبو فصار فوزي يندب حظو ويلوم حالو على الوقت يلي ضيعوا وهو بهالحالة الصعبة قربت منو بنت جملية بتاخد العئل وبتسئلو مين انت فيبحكيلا قصتو وليش اجا وبيتفاجئ فوزي انو هي البنت هي بنت رفيق أبو وانو ابوها تارك دفتر كان يكتب فيه مذكراته وانو فينو يطلع عليه بركي بلاقي فيه معلومات عن مقتل أبو ولما بيطلع فوزي على دفتر المذكرات بيعرف القصة والأحداث يلي جرت بالسجن مع أبو وبيقرر انو يدور عن قاتل أبو الملقب بالحوت وبيتفاجئ بقرار بنت رفيق ابو انها مستعدة لتساعدو وانها بدها تخلص من حالة الملل يلي عايشتها (اسمها فهمية) وبيجهز فوزي وفهمية أغراضهم مشان يرجعوا على البلد ويبلشوا بحث عن الحوت من هنيك........................

ووصلو الجماعة عالبلد .. ويا دوب وصلو ... تزكر فوزي انو القطة تبعو نسيانها بالغرفة اللي كان مستأجرها , آم رجع لهنيك هوة وفهمية (دليل على رقته على عكس والده), وفتح باب الغرفة .. ومسك القطة ودبحها من جكروو (وهذا دليل على وساخة نفسيته و حقارته في ذات الوقت), ورجعو عالبلد ليبدأو بحث عن الحوت هنيك..

و الله المهم هل الشباب ضلو عم يدورا هيك لحتى التئوا بختيار عايف حالو و خبروه قصتهن آم الختيار تحمس للئصة و الهن انا الها
و هو عم يدلهن ع مكان الارنب اجتو سكتة البيّة و مات ...ورجعت تسكرت بوش هل المسكين..........................................

فوزي وبعد ما يأس من ايجاد الارنب قرر انو ينسى الئصة ويبلش حياة جديد وفي يوم من الأيام وبينما قاعد هو وفهمية عم يتفرجوا عالتلفزيون بيئلب فجأة على سبيستون وبيكون طالع أبطال الديجيتال وبيشوفو أرنب عيونو زرق وأدانو بيضوو ومدري شو,المهم بيحفظ فوزي اسم مصمم الشخصيات وبيروح لعندو عالقناة وبيسألو عن كركتر الأرنب يلي مصصمه واذا كان من خياله ولا شايفو عالحئيئة ,بيجابو الرسام انو شايف عالحئيئة وئت كان باستراليا ...................................

والله صاحبنا فوزي ما كذب خبر وراح هو وفهمية الى استراليا وفعلاً شافو الارانب يلي حكا عنا الختيار هنيك وجابو واحد معهم وقدموه للختيار مشان يدلهم على الفتخة الزمنية وفعلاً دخلو بفتحة الزمن ولقوا الحوت وقتلوه ورجعوا للحقيقة وتزوجوا وعاشو بسبات ونبات وخلفوا صبيان وبنات وتوتة توتة خلصت الحتوتة حلوة ولا فتفوتة. تنويه:
هلأ أنا حسيت انو الئصة صارت مملة مشان هيك انهيتها بحلقة وحدة وبسرعة