نحنا بالجامعة ولا بسجن عدرا ..؟؟!!

طبعا هاد الحكي هو اقتباس حرفي لجعفر

"اليوم ومبارح وأمس وكل يوم دكتورة من عنا ما عندا غير كلمات وإهانات ما بيقبلا لا عقل ولا دين يعني والله بالمدارس ما عاد سمحو للأساتذة يهينو الطلاب شو أهلنا باعتينا لحتى نتبهدل بعدين فلجونا وصرعونا بالحكي انو طلاب جامعة دمشق هم الأفضل على مر التاريخ شو هيك بتتعامل أفضل طلاب على مر التاريخ من كم يوم قريت خبر عن إقالة معلمتين بسبب ضربهم لطلاب ابتدائي وقرار فصلن إجا من رئيس مجلس الوزراء شخصيا نحنا طلاب إعلام يعني واجهة البلد إذا الشغلة شغلة يافرعون مين فرعنك ما في حدا يردني لحتى نفهم ونسكت مع العلم أنو كتير من الطلاب قالو انو اسلوبا واحد مع الطلاب والموظفين وحتى العميد وبعض هالكلمات ( بمسح بكرامتكن الارض - خرسي _ انضب وحاج طق حنك - شيل الصرماية من تمك ( العلكة )
وعلى مسمعي أثناء اجتماعنا مع وزير الاعلام زميلي سأل سؤال لوزير الاعلام وهو نها سؤالو قالتلو: قعد يكسر ايديك

يا شباب ويا صبايا بدنا رأيكن وبدنا حل لهالمشكلة أي شو نحنا بجامعة ولا بسجن عدرا المركزي "

بالنسبة للحل فهو عند صاحب العلاقة
اما الرأي اكيد رأينا واضح بهالشي ولا اذا صار في كلية اعلام بيطرئونا منية
اي والله بالابتدائي هلأ صار ممنوع هالكلام
بس بعتقد كل واحد لازم يرقى لمستوى المكان الي هو فيه ساعتا بيعرف يحكي ويتصرف.مو بس نحنا لازم نقعد عمقاعد الدراسة ونتعلم!!!!!!!
يلا سمعو وسطحو