قرار متخلفففف

اعطى وزير التعليم العالي غياث بركات توجيهات تقضي بمنع دخول الطالبات المنقبات إلى حرم الجامعات السورية، ويعلن رفضه لهذه الظاهرة التي “تتعارض مع القيم والتقاليد الأكاديمية ومع أخلاقيات الحرم الجامعي”.‬

جاءت هذه التوجيهات بعد مطالبة أهالي الطلبة وخاصة اللواتي يدرسن في الجامعات الخاصة إدارات هذه الجامعات بوضع حد لظاهرة الفتيات المنقبات اللواتي يرتدن إلى الجامعات والمعاهد بحجة العلم, وبأن يكون اللباس عموما في إطار الاعتدال والوسطية.

وقال مصدر موثوق مقرب من وزارة التعليم العالي فضل عدم الكشف عن اسمه إن “مطالبات الأهالي دفعت رؤساء الجامعات الخاصة إلى مناقشة هذا الموضوع في اجتماعهم في وزارة التعليم العالي مع وزير التعليم العالي يوم الأربعاء الماضي”.

وأضاف المصدر أن “الوزارة استجابة لطلبات الأهالي، وأن وزير التعليم العالي غياث بركات أعلن رفضه لهذه الظاهرة التي تتعارض مع القيم والتقاليد الأكاديمية ومع أخلاقيات الحرم الجامعي”, مضيفا أن “بركات أصدر توجيهاته إلى الجامعات تمنع بموجبها دخول الطالبات المنقبات إلى حرم الجامعات السورية”.

ولفت وزير التعليم العالي, بحسب المصدر, إلى أن “طلابنا هم أبنائنا لن نتركهم عرضة لأفكار والعادات المتطرفة”, مشيدا بـ “أخلاق

المجتمع السوري الذي اثبت على مر العصور الوعي والقدرة على التصدي للكثير من العادات السيئة وشارك بفاعلية وجدية في ضد حملات الغزو المنظمة”, داعيا في الوقت نفسه إلى “التعاون مع مختلف شرائح المجتمع لنشر الوعي بين أبنائه”.

وحول هذا الشأن رجح مدير مركز المعطيات والدراسات الإستراتيجية عماد فوزي الشعيبي في اتصال هاتفي مع الجزيرة أن يكون هذا القرار مرتبطا بسير العملية التعليمية والتربوية ولا صلة له بتوجه الغرب لمنع النقاب.

وردا على تساؤل حول توقيت منع النقاب وارتباطه بتوجه الغرب، أكد الشعيبي عدم ارتباطه مشيرا إلى أن الحجج في الدول الأوروبية مرتبطة بزعم تهديده لثقافتهم.

وأوضح أن الحجاب غير ممنوع في الجامعات أو القطاعات الأخرى، لكن النقاب يؤثر على سلاسة سير الامتحانات.

وفي سؤال لقناة الجزيرة عن سبب منع النقاب رغم أنه متعارف عليه في المجتمع السوري، أشار الشعيبي إلى أنه لم يكن منتشرا في الجامعات كما هو الآن واقتصر على عدد محدود.

وأوضح أن بعض الطالبات يرتدين النقاب فقط في الامتحانات بهدف الغش، مما يدفع المسؤولين للطلب من المراقبات التأكد من هويتهن وبالتالي عرقلة الامتحانات.

وحول لجوء الوزارة إلى هذا الإجراء عوضا عن إيجاد آلية للتحقق من الهويات، اعتبر الشعيبي أن العملية الامتحانية ينبغي أن تركز على ما يتعلق بها وليس على التحقق من شخصيات المتقدمين إلى الاختبارات.

سورية أونلاين


أخر شي بدي اول انو أنا ضد هاد القرار لأنو بيمنع الحرية الشخصية ومبررات هاد القرار سخيفة جدا وتدعو لضحك بس يبدو انو الحملة الهجومية العالمية على الاسلام بلشنا نشارك فيها للأسف وكل شي بتريدو الصهوينية عم نحققلا ياه بأيدينا

والله يا معاز لو كل الناس بيفمهو الدين متلك كنا بمطرح تااااني

Mo3Az كتب:

النقاب والخمار و الملاية ومدري شو .. كل هالقصص مالها علاقة بالاسلام لا من بعيد ولا من قريب ..
بقى حاجتنا رجعية بقى مشان الله !!!!!

هلأ اختلف الفقهاء حول اذا كان النقاب فرض ولا لاء وقسم كبير منهم اجازو انو المرأة تظهر وجهها وما تحط النقاب بس كمان مافيك تؤول انو المرأة يلي بتحط النقاب انها متخلفة ورجعية ومو فهمانة الدين ..........صح

bahaaa كتب:

Mo3Az كتب:

النقاب والخمار و الملاية ومدري شو .. كل هالقصص مالها علاقة بالاسلام لا من بعيد ولا من قريب ..
بقى حاجتنا رجعية بقى مشان الله !!!!!

هلأ اختلف الفقهاء حول اذا كان النقاب فرض ولا لاء وقسم كبير منهم اجازو انو المرأة تظهر وجهها وما تحط النقاب بس كمان مافيك تؤول انو المرأة يلي بتحط النقاب انها متخلفة ورجعية ومو فهمانة الدين ..........صح

ليش اساسا انا حكيت انو المرأة المنقبة متخلفة ؟؟!!!
انا كل اللي عم قولو انو النقاب مو من الاسلام ابدا ....
ونحنا لازم شوف شغلات بتهمنا أكتر بكتير من هالشغلات اللي مجرد تفكيرنا فيها برجعنا لورا ....

sohayb20 كتب:

اقتباس :

والله يا معاز لو كل الناس بيفمهو الدين متلك كنا بمطرح تااااني

غريب .. الجهل بأحكام ديننا يقابله ... علم واسع بالاغاني والمسلسلات والرياضات وغيرها..

وغريب أكتر طريقة فهمنا، وتهميشنا لجانب من حياتنا كان لازم ياخد درجة الاولوية القصوى .. لكونه هويتنا .. "ديننا" يقابله : اعتناق هويات اخرى وثقافات ورؤى ووجهات نظر لم تكن في يوم لنا..

من هوون منلاقي انو .. ليس غرييب هكذا قرار ، بوجود جيلنا اللي مو متأكد لسا يرفض ولا يقبل، صح أو خطأ .. ولسا مع الاسف .. هويتنا أو لأ

آسف بس استغربت .. بل انصدمت

صهيب..

صهيب مين قلك انو انا ضد الدين ؟؟!!!
انا كل اللي عما احكيه انو لازم نفكر بشغلات أهم من هالترهات هي ...
يا جماعة مشان الله فهمو نقطة .. انو فهنا الغلط للاسلام عم يبعدنا عنو .....
عم نفكر انو الدفاع عن هيك شغلات و التشدد قلها برجع الاسلام متل أول !!!
لا حول ولا قوة الا بالله العلي العظيم ......

يئبرني ربو لمايكل

والان رأي الخبيرة الاجتماعية والقانونية سارة الخالد :
انتو التلاتة على غلط وعلى صح بنفس الوئت ..... قانون الحريات الشخصية الفرنسي يخبرنا انو هيك قرار يعبر عن انتهاك لحرية فئة معينة من المجتمع ... بس للاسف هاد القانون مو ملزم ... يعني مو قاعدة قانونية الها مؤيد وجزاء ... المهم ... صوصو وبهاء معون حق بأنو غلط يأصردو هيك قانون لانو تعدي على حريات هالاشخاص ... واخونا معاز كمان معو حق لانو في ظل الظروف الراهنة ( زيادة حالات الارهاب في المجتمع الدولي والعربي بشكل خاص ) وانا معو بأنو النقاب يعتبر تطرف بالدين .... ودمتم سالمين

اقتباس :

صهيب مين قلك انو انا ضد الدين ؟؟!!!

معاذ ليش مين قلك انك انت ضد الدين؟

اقتباس :

لازم نفكر بشغلات أهم من هالترهات هي

يخليلي ياك لا تقول ترهات .. مشان ما نحسبها عليك ضد او مع

اقتباس :

فهمنا الغلط للاسلام عم يبعدنا عنو .....

مهيييك؟

اقتباس :

عم نفكر انو الدفاع عن هيك شغلات و التشدد قلها برجع الاسلام متل أول !!!

لا بالعكس لازم نتحرر شوي تانية وتالتة كمان .. لأ ورابعة ... اخي لشو التشدد ؟؟ شو هية شئفة قماش عالراس رح تعيد مجد الاسلام؟؟
حديث مكررر كتير ..

زبدة الكلام.. النقاب يراه بعض الفقهاء واجب وبعضهم يراه مستحبا
فهو شرعة شرعها الله تعالى لمن اردت المبالغة في الستر أو ارتأت لذلك ضرورة .. ليس فرضا .. ولكنه من شعائر الاسلام التي ينبغي أن تعظم ولا تنكر ولا يتم وصفها بالتشدد أو مغالطتها حتى:
http://www.islamweb.net/ver2/fatwa/ShowFatwa.php?lang=A&Option=FatwaId&Id=8287

فأما محاربته لدى الدول الاوروبية فمعلوم مبتغاه والمتطلع على الدراسات يعلم ذلك:
http://www.babnet.net/rttdetail-27180.asp

معاااذو انا ما قصدت قلك انت ضد الدين لا والله..
بس قصدت انو قول لحنا مقصرين بحق احكام ديننا .. لدرجة حتى جهلنا فيها .. وانا اول واحد ..
بعتذر مرة تانية ازا فهمتني غلط

والله انا كان بودي فوت معكن بهل النقاش

بس مبعرف بهل شغلة

بس برافوا نقاش حلو بهنيكن

اقتباس :

معاااذو انا ما قصدت قلك انت ضد الدين لا والله..
بس قصدت انو قول لحنا مقصرين بحق احكام ديننا .. لدرجة حتى جهلنا فيها .. وانا اول واحد ..
بعتذر مرة تانية ازا فهمتني غلط

حبيبونا صهيب ...
بجد انا قصدي بسيط و بأول رد كاتب بأولو انو هيك هنن بكونو وقفو ضد الحرية الشخصية ...يعني القرار غلط ..
بس كمان انو نوقف عند هالشغلات الصغيرة والله مالح نستفيد شي ....
دينّا دين اليسر وليس دين العسر ....
صهيب انا يلي بدي اعتذر منك اذا في لكنة هجومية بطريقة كلامي ..
.
.
.
.
.
.
.
.
.
.
.
..

.
.
.
.
.
وهي أحلى كاس لعيونك أخي صهيب ..

هلأ في شي اسمو انو حرية الفرد تنتهي عند حرية الاخرين
يعني اوك معكن حق انو حرية شخصية ومن هالكلام
بس وقت اللي بتفوت البنت المنقبة وحاطة سماعات وقت الامتحان وبتنقل وبتجيب معدلات بوقت بيكون في ناس غيرها عم يهلكو ليجيبو هالمعدل اللي هيي اخدتو بسهولة هادا وقتها بيخرج عن نطاق الحرية الشخصية
كمان وقت اللي عم نلاقي انو في شباب عم يحطو نقاب وتوقعو هالشي شو خطير.
بعدين انا برأيي انو الموضوع ما بيتعدى خطوة لوضع لباس موحد بالجامعة
ومتل ما بيمنعو شب يفوت ععالجامعة بالبجامة
او بنت تفوت بلباس مو محتشم
منعو بنت تفوت مو مبين شي منها او اذا هيي حتى بنت من الاصل
فالموضوع ما بدو كل ههالتهويل
حرية شخصية بس لازم يكون الها حدود
سلام

اقتباس :

بس وقت اللي بتفوت البنت المنقبة وحاطة سماعات وقت الامتحان وبتنقل وبتجيب معدلات بوقت بيكون في ناس غيرها عم يهلكو ليجيبو هالمعدل اللي هيي اخدتو بسهولة هادا وقتها بيخرج عن نطاق الحرية الشخصية

شايفين الشاطرين اللي بغارو شلون بيحكو ..؟؟!!!

[quote="sohayb20"]

اقتباس :

زبدة الكلام.. النقاب يراه بعض الفقهاء واجب وبعضهم يراه مستحبا
فهو شرعة شرعها الله تعالى لمن اردت المبالغة في الستر أو ارتأت لذلك ضرورة .. ليس فرضا .. ولكنه من شعائر الاسلام التي ينبغي أن تعظم ولا تنكر ولا يتم وصفها بالتشدد أو مغالطتها حتى:

هاد هو الكلام الصح

sarah black كتب:

وانا معو بأنو النقاب يعتبر تطرف بالدين .... ودمتم سالمين

بس بدي إلك انو التطرف بيكون بالأفكار والأفعال مو بالشكل الخارجي

sarah black كتب:

قانون الحريات الشخصية الفرنسي يخبرنا ...

يا سارة نحنا المسلمين عنا أعظم كتاب وشرع بالعالم(القرآن الكريم) وموجود فيه أجوبة على كل الاستفسارات والأسئلة ومبين فيه ومفصل كل التعاليم المتعلقة بالدين وسير أمور الحياة فليش لنلجأ لقانون الحريات الشخصية الفرنسي يلي هو من وضع البشر اذا كان عنا قانون من وضع الله,ايهما أفضل قانون الهي ولا قانون بشري؟

اخي بهاء كلامك حلو بس اكتر عمليات السرقة والنصب عم يقومو فيا رجال تحت نقاب بس الدين مو بالشكل الخارجي الدين بدو قلب وعاطفة شغالة
مثال : واحد بدو يصلي بيتوضا وبيصلي وهو من جوا عم يخطط كيف يأذي جارو ويسب عرفيئو ويحط بنات العالم بذمتو ومع كل هالشي بقلك القرار في اعتداء عحرية الناس بس الايمان عمرو ما كان بالنقاب او بالطاقية البيضا الايمان بالعمل ومحبة الناس وبالنية الصافية لرب العالمين واذا ماساويت هالشي الف ركعة ما بتفوتك عالجنة

T I T O-Jaafr كتب:

الايمان بالعمل ومحبة الناس وبالنية الصافية لرب العالمين واذا ماساويت هالشي الف ركعة ما بتفوتك عالجنة

كلامك كتير حلو وهاد هو أساس الدين بس بدي إلك انو الشعائر يلي عم تحكي عليها انها ما بتفيد هي يلي بتخلينا نزيد صفاء النية ونعرف نحب العالم صح .