الساعة 8.30 يوم الأحد الكل مستعجل وأزمة سير مو طبيعية كلو بدو يلحئ ( لعما شو القصة )
الساعة 9.00 لك مين الحمار يلي معرقل السير خلصنا لك عمي بدنا نلحئ المباراة (واحد علئان بأزمة سير)
الساعة 9.25 شو بلشت المباراة ولا لسة........ اوف الحمد الله منلحئها من أولها
لك عو عالسريع يلا حتبلش وينك هات بطريئك البزر والكولا من المطبخ بين ما جيب الفحم من عالغاز (رفئات مجتمعين ومبزبطين وضعهم عالأخر كرمال يشوفو المباراة على رواء)
الساعة
9.30 الشوارع فاضية والمحلات مسكرة وأعلى صوت بالشام هو صوت الشوالي هو عم يعلق عالماتش
9.45 المباراة صرلها مبلشة ربع ساعة وسيطرة اسبانيا مع تهديد خطير عالمرمى واخطر فرصة لسيرجيو راموس مدلل مدريد
10.20 خلص الشوط الأول والمباراة كانت شبه مسكرة ومتكافئة من الطرفين
11,25 خلصت المباراة بنتيجة التعادل السلبي وهولندا كبت فرصة لا تعوض ضيعها نجمها الأول روبن هو منفرد بكاسياس يلي أثبت انو أحسن حارس بالعالم حاليا وئت أنقذ فريقة من هدف محقق
11.45 خلص الشوط الأول الاضافي واسبانيا عم تفرجينا لعبها الحئيئي والاعبون يبدعون وكأنهم هلئ بلشو
11,55هجمة لاسبانيا وبتصل لعند فابريغاس وبدون تردد بيعطيها لانيستا يلي كاسر التسلل وبخبرة وذكاء بسحط الطابة عن يمين الحارس الهولندي هدف لاسبانيا بالوقت القاتل
12.00 الحكم الهولندي صفر معلن نهاية المباراة بفوز اسبانيا بالمباراة وببطولة كأس العالم لأول مرة بتاريخها .
مبروووك لاسبانيا وهارد لك من القلب لهولندا وبااااااااااي
موضوع: ليلة الحسم في سوكر ستي 
الثلاثاء يوليو 13, 2010 5:54 am
