فرق الكلام بين الشباب والبنات

الـبنـات

بداية الحوار

الأولى : قصيتي شعرك ؟؟

والله طالع كتير حلو !
الثانية: شايفة انت بس مدري كيف!! من لمن شفت حالي بالمراية حاسة انو منفوش ومو ظابط تمام ؟!
الأولى : لا والله .. طالع يجنن ،

وانا ناوية اعمل نفس تسريحتك بس حاسة انو وجهي مليان شوي وموظابطة عليه ، وشايفة انو مابيمشي الحال مع شكلي الا هي التسريحة اللي بتشوفيني فيها كل يوم .
الثانية : عم تحكي جد لك مجنونة !! انا شايفه انو وجهك كتير حلو،

وبتظبوط معو كل التسريحات وكياتهون بيطلعوا عليكي بجننوا ، مو متلي أنا ياحسرة ..

مو قدرانة اختار الا تسريحتين تلاتة بتخلي الناس ماينتبهوا لرقبتي النحيفة

الأولى : شو هالحكي .. والله رقبتك حلوه وبتمنى يكون عندي متلها،، لتصرف عيون الناس عن كتافي اللي كأنو كتاف لاعب فوتبول أمريكي !!

الثانية : انت شربانة شي اليوم؟؟ ، لك ياضرسانة كل بنات الجامعة بيتمنوا يكون عندهون كتاف متل كتافك ، يعني انت ماعندك أي مشكلة مع التياب والموضات الجديدة .. لك اطلّعي.. شوفي ايديي شو صغار .. لو عندي كتاف متل كتافك كنت ماتبهدلت اذا نزلت على السوق لإتلقطلي بشي كنزة جديدة ويطلع قياسها مظبوط !!


انتهى الحوار


* * *


الشباب

بداية الحوار:

الأول : قصيت شعرك ؟
الثاني : ايه

الأول : نعيماً.

انتهى الحوار

ههههههههههههههههههههههههههههههههههههههههههههههه
حرام عليك والله مو كل البنات هيك!!! بس في نسبة من الصحة بهالموضوع