مواصفات دكاترتنا ( حلقة خاصة ) العالمية2

من البداية يسامحونا كل اللي بحبوه ، وبنصحهن ما يئرو ..
11:50
ما اجا الدكتور..

12:00
العيون تترقب دخول "العنصر"..

12:01
يدخل العنصر بملابس الدوام الأول "الشباب الطيبة":
طقم وحذاء أسود نظامي ... والأهم هو النظارات .. حتى في الشتاء

12:05
"انا بحبكون كلكن بدي نجحكووون كلكوون ، في عننا ناااااس بدهوون ينجحووو وعم يشتغلووو ، هدول عم يهتمّو واجو لعندي وحنحطللن تمانينات " استفتاحية مباركة ..

12:10
"لحنا اليوم بدنا نخللص قسمكبييرمنلكتابوهوةالقسمالأكبر" ويراعى عاملان اثنان في كلامه:
1- الجعير والتوحش والزعبرة لابقاءك في جو سوق الخضرة وليذكرك بحمامات الشام القديمة بس تنئطع المي..
2- عدم الفصل بين الكلمات باستخدام الفراغ space

12:15
جاءته مكالمة هاتفية:
"لك اخي خليهون ينزلو الشمينتو فوء الطينات ويجبلوهن .. وبالنسبة للمحكمة انا مستعد انزل ارفع عليهن ستميت دعوة ولادين ال ــــطوط". طبعا هاد الموبايل الأول
بعد دئيئتين برن التاني ..بس بسكرو ، يمكن ملاحئينو الديّانة .. مابحط حدا بزمتي

12:20 شخص ما يتسلل للدخول ..
"طلااااع ولا يخرب بيتك شو ئليل زوووء ، خلص الفيلم اليوم وهرب البطل من الشباك"، مع هزة مريبة في رأسه وتواتر عالي صوتي ونفض بالجسم يرافقه ركض سريع باتجاه باب الهنغار متل غرندايزر
لك سماع دكتور في شي مهم بس اسمعني
"مابدي اسمع لا تناقش لا تحكي لا تنوجد .. اختفي فورا فورا بعدييين منحكي ".
لك دكتور في حدا من عيلتك عم يموت بس اسمعني يا رجال .. ولكن لا حياة لمن تنادي.

12:30
مرحلة صطرو .. (من التسطير) لمدة 10 دقائق لا تضر ولا تنفع كالأصنام (لا شرح ولا تهجئة كلمات).

12:40
حكاية ملحمة حلقة البحث وآخر القرارات المصيرية المتعلقة بالامم الحاملة للمادة وهنا يفرد لنا عطاءاته (قدس الله سره). وذلك لمدة 20 دقيقة

1:00
عملية التفقد اللي بتستمر ساعة بتمضى وبتحس راح من عمرك شي 25 سنة شلون ما كان وهاد ازا ما حبينا نبالغ .. وآخر شي ما بيطلع اسم نص الناس ولا معاذ ولا "مشلح" وكأنو ما عمل شي

2:00
تنتهي المحاضرة

بس شي يوم :
2:00
يدخل 3 أطباء لابسين مريولات بيضاء من مشفى ابن النفيس للأمراض العقلية ليلقو القبض على هذا الهارب الخطير ويأخذوه ليضعوه في مكانه المناسب..

شكرا لجهدكم بالقراءة .. ياريت نراعي مانحط بالردود اسم الدكتور ولا اسم المادة بالكامل .. مشان ما يغوغل شي يوم على اسمو ويعتبرنا مشهرين فيه صاحبنا .. حاكم من غير دف عم نرئص..

---------------------------------------------ص.غ------------------------------------------------------

والله انك رهيييييييييييييييب ياصهيب, بزمتي حكيك نظامي مية بالمية Wink

فعلن انك نهفة.
وصدئني مسامحينك دنيا آخرة, بس بدك نحنا نسامح فخامتو Twisted Evil

اقتباس :: وآخر شي ما بيطلع اسم نص الناس ولا معاذ ولا "مشلح" وكأنو ما عمل شي

كل مرة بجي لأعلق معو و اعملو كفّين ... albino

بس لو الشباب ما بيمسكوني .. study

اذا بتفلتوني عليه .. الله وحده العليم شو لح يصير فيه ... farao

sohayb20 كتب:: 12:20 شخص ما يتسلل للدخول ..

كتيييييييييييير حلوة

الله لا يوفئو على هالسمعة يلي مطالعها عليي .. قال مشلح !!!

وحبييت كتير النهاية .. واقعية يا زلمة .. شو رأيك نخبر عنو؟؟

صهيب كتييير حلوة كتيييير .. عملنا حلقات تانية clown

[quote]
يدخل 3 أطباء لابسين مريولات بيضاء من مشفى ابن النفيس للأمراض العقلية ليلقو القبض على هذا الهارب الخطير ويأخذوه ليضعوه في مكانه المناسب..

مو حاسس حالك ئسيت عليه شوي؟
أوكي هو عصبي,بس بدنا نستحملو بيطلع أد جدي و الله!!!!!!

Mo3Az كتب:

اقتباس :: وآخر شي ما بيطلع اسم نص الناس ولا معاذ ولا "مشلح" وكأنو ما عمل شي

كل مرة بجي لأعلق معو و اعملو كفّين ... albino

بس لو الشباب ما بيمسكوني .. study

اذا بتفلتوني عليه .. الله وحده العليم شو لح يصير فيه ... farao

ابن خالتي بدك طول بالك وتحاول تستوعبو لأنو العاقل والكبير بيستوعب الصغير

صهيب أنت مو طبيعي موضوعك حلو وكلامك فظيع ومثالي حاسك راسمو راسم يسلمن

اقتباس :: مو حاسس حالك ئسيت عليه شوي؟
أوكي هو عصبي,بس بدنا نستحملو بيطلع أد جدي و الله!!!!!!

هلأ الشي الأكيد اني ما ئسيت عليه .. لأنو ما بحسو علمني شي حئيئي يمكن غير صفحة وحدة يمكن ، وبالتالي ماعاد استاذ ومعلم ... وفقد قيمته عندي كدكتور , وحلقة وحدة من برنامج لقطات تبع الجزيرة للاطفال بتخليك تغير نظرتك عنجد شي اسمو دكاترة من هالنوع.. بيحكو فيها عن وكالات الانباء والمدن الاعلامية وكلها مواضيع اعلامية من الدرجة الاولى ..
بآآ وين رايح يا شيخ مو لحتى يكون دكتور لحتى نحترمه ؟؟

أما بالنسبة للزوم احترامه لعمره ... فالشخص اللي ما بيحترم مهنتو وما بيعطي بأمانة اذا بصير عمرو ألف سنة ما حدا حيطع فيه ويوقفلو وقفة احترام ..مع احترامي لكل وجهات النظر التانية

يسلمو يا جماعة اللي مريتو عالموضوع .. تعليقات رائعة متلكن

» مواصفات دكاترتنا ( الحلقة الاولى ) صحافة عالمية
» مواصفات دكاترتنا ( الحلقة الثالثة) منظمات دولية
» مواصفات دكاترتنا ( الحلقة الرابعة ) تاريخ الحضارة
» مواصفات دكاترتنا ( الحلقة الثانية ) صحافة سورية ال big boos
» دكاترتنا ومذاهبهم