بايرن ميونخ يضع قدما بنهائي أوروبا

خسر ليون بهدف لروبن
بايرن ميونيخ يضع قدما بنهائي أوروبا



فرانك ريبيري" لاعب بايرن" طرد في الشوط الأول بسبب تدخل عنيف ضد المنافس (الفرنسية)

حقق بايرن ميونيخ الألماني فوزا صعبا على ضيفه أولمبيك ليون الفرنسي بهدف نظيف في المباراة التي جمعت بينهما مساء الأربعاء في ذهاب الدور نصف النهائي لدوري أبطال أوروبا لكرة القدم.

وانتظر الفريق البافاري إلى الدقيقة 69 من المباراة التي جرت على ملعب "أليانز أرينا" بمدينة ميونيخ ليقتحم شباك منافسه العنيد، وذلك إثر تسديدة بعيدة المدى من الجناح الهولندي أريين روبن.

وبهذه النتيجة يضع بايرن ميونيخ قدما في المباراة النهائية للمسابقة الكبرى، حيث يكفيه التعادل في مباراة الإياب التي ستقام الثلاثاء المقبل على ملعب "جيرلان" بمدينة ليون.


وشهدت مباراة الذهاب نشاطا من بايرن ميونيخ قبل أن يتلقى ضربة مؤثرة في الدقيقة 37 عندما طرد الحكم الإيطالي روبرتو روسيتي صانع الألعاب الفرنسي فرانك ريبيري بسبب تدخل عنيف ضد الأرجنتيني ليساندرو لوبيز.

وأعقب الطرد نشاط ملحوظ للفريق الفرنسي الذي هدد مرمى مضيفه عدة مرات دون أن يتمكن من هز الشباك لينتهي الشوط الأول بالتعادل السلبي.


الهولندي أرين روبن خطف الفوز لبايرن (الفرنسية)
شوط الفوز
مع بداية الشوط الثاني ضغط بايرن ميونيخ أملا في تعديل النتيجة، ثم استفاد من تعادل الكفتين بطرد لاعب وسط ليون جيرمي تولالان للإنذار الثاني ليتمكن أخيرا من تحقيق الفوز الثمين.

يُذكر أن بايرن ميونيخ يسعى لنيل لقبه الخامس في هذه المسابقة بعد ألقابه الأربعة أعوام 1974 و1975 و1976 و2001.

في المقابل، فإن ليون يخوض منافسات الدور نصف النهائي للمرة الأولى في تاريخه، علما بأن مرسيليا كان النادي الفرنسي الوحيد الذي فاز بالبطولة وذلك في عام 1993.

كما يشار إلى أن الطرف الثاني للنهائي الأوروبي سيتحدد الأربعاء المقبل عندما يستضيف برشلونة الإسباني فريق إنتر ميلان الإيطالي، علما بأن الأخير يبدو قريبا من خطف بطاقة التأهل بعد الفوز الثمين الذي حققه على ملعبه مساء الثلاثاء بنتيجة 3-1.

أولا: كتير معصبة من النتيجة, لدرجة طاير النوم من عيوني. بما اني فرنسية للعضم
ثانيا: اللعبة من وجهة نظري, ولاني تابعتها step by step, كانت ممتعة,
والفريقين كانو متكافئين بالفرص تئريبا, يعني عمبدأ هجمة بهجمة,
صار في أخطاء ع ليون: وأهمها اللاعب الغبي يللي كان السبب بإنو يفوت غول عشباك ليون, بس حدا يئلي شو اسمو , هو السبب لانو غش حارس المرمى" هوغو لوريس" يلي مالو ذنب بهالغول, المفروض هاللاعب كان يصدها ويبعدها بدل مايوطّي,
اي شو مفكر جاي كيس زبالة عليه وئرفان, وكأنو عم يئلها تفضلي شباكك ومطرحك
اجت فرص لكلا الفريئين بس "ليون" ماعرف يستغلها, عداك عن خوف اللعيبة
لانو شي 7 منون عندون انذارات
وطبعا مافينا ننسى انو اللعبة عأرض ميونيخ.
وبرأيي غلط المدرب"كلود" مدرب ليون انو مانزّل "جوفو" من البداية بما انو مهاجم
بس والله حارس المرمى" هوغو" كان جدع وصد كذا ضربة ماكنين لميونيخ
المهم: أكلناها غول, وياريتو كان من ريبيريه, كان نص مصيبة بماانو فرنسي" يعني من عضام الرئبة"
بس لازم الواحد يكون حئاني, والله بايرن لعبو واجتون فرص بتخوف,
و ٌRobben أثبت جدارتو بهالمباراة,
بس لسا ماخسرنا بكرة بالاياب, بتشوفو "Lyo" عأصولو. ومارح نرضى أئل من 3 صفر
بس نشالله ماآكلها خجلة " متل العادة" والله صرت مسخرة إخواتي. دعولناااا
آسفة طولت الحكي, بس والله حابة فضفض وعبّر عن وجهة نظري الرياضية.
بس مبسوطة بحالي كتير . زايدة فهمنتي الرياضية
بس أكيد مابطلع نئطة ببحركم شباب ولوووووو, بتضلو أساتذتنا مو هيك, والعين مابترف عالحاجب
وشكرا

شو هاد يا نور ما عرفتك والله صايرة محللة رياضية (ماشي حالك)الله يستر بكرا ما تطحشي على أيمن جادة

الله يعطيكي العافية يانور

موضوعك وازن وحلو كتير

وبيطلع منك بالرياضة

اشي اشي اشي اش
شو هل الحكي الكبير يا دوموزيل نور السينييه
انا حابب خبرك انو ليون ما بيطلع للنهائي ولو شو ما صار !!!!
هلأ انتي انسي ليون و لحئي برشلونة يا حسرتي عليكن لازمكن 2-0
والله مالي عرفان منين بدكن تعوضو .......
ع كل الاحوال انا بشجعك يا نور و بشد من أزرك و الله حكياتك حلوين بس لازمك شوية صياغة ,معك معك بتصيري
تحياتي الك
ياسو لاتخافي انا بفرح بس لائي بنت فهمانة و الاهم من هيك مهتمة

شكرا ياجماعة, يعني خرج مشروع معلقة رياضية؟
بس ئد ماكان مابطلع شي ئدام وسيم أفندي.
وبحب ئلك يا مايسترو نحنا البرشلونية, الخسارة مابتهزنا ابدا, و 2-0 مضمونة
والفوز حليفنا نشالله
ومشان ليون: رح يطلع للنهائي؟؟؟؟؟؟؟ بتشارط؟ أنا عم شجعو,ولو