الفريقان: الجيش VS الوحدة الدمشقي
الساعة :الرابعة ظهرآ
المكان:ملعب العباسيين
المناسبة:ديربي سوريا الاول
بهذه المعطيات بدأت رحلة العباسيين الخاطفة
الأجواء كانت مثالية لحضور مباراة من هذا النوع الخاص و كيف لا و هي قمة دمشق التي يحكى بأمرها لأيام و شهور.
أما بلنسبة للأشخاص اللي حضرت اللعبة و كانت موجودة فهيي على الشكل التالي:
معاذ:وحداوي محنّك
أبو وائل (كنان):وحداوي للعضم
مؤيد:خليفة النجم قصي حبيب (لاعب هجوم الوحدة)
يزن:بيترك الدراسة كرمال شوفة المباراة (موسائل ع حدا)
عدي:ميسي الوحداوية(عاشق أصيل للوحدة)
و انا : اللي بدكن ياه (بس المهم اني معاهد حالي ما يروح عليي ولا مباراة الا للشديد القوي)!!
أأنا حبيت خصكن بأجواء المباراة (ملاعبنا السورية) و احكي المخبى فشوفوا لاكلن شوفوا!!!!
متل مالكن شايفين الفريقين الجماهير عم تدور ع ارنة ظابطة ليتابعو المباراة
وهي هيّة الساعة الالكترونية اللي حفي الاتحاد الرياضي لحتى صلحها بس للأسف ما بتشتغل الا لمباريات الجيش الآسيوية (كأنها مباراة اليوم درجة تالتة)
وهون بتشوفوا النئل التلفزيوني (اديشوا متلبك) وكل مين عم يسأل التاني طلعنا على الهوا ولا لسا!!!!
أخونا عدي و كنان مو مئصرين منوب عم يشجعوا و متحمسين و الصورة لحالها بتحكي.
معاز صح اجا متأخر (بسبب المواصلات) بس طلعلو صورة بهل الكنزة الوحداوية المرتبة!!
وهل الصورة الرايئة لحالها بتجكي عن عشئنا الوحداوي!!!
و الله هل الصورة تصورتها وكان عندي شعور كبير اننا ح نفوز بس ما كنت متوقع هل (الانحياز التحكيمي الواضح)خيرها بغيرها انشالله.
و الله هل أبو وائل كبير تارك أشغالو و جايي ع المباراة (وحداوي أصيل)
هل الصورة كان في ابلها فرحة جنونية و هستيرية بهدف التعادل (بس يافرحة ما تمت)
وهيك بنكون خلصنا عرض صور لهل المباراة المشحونة و العصبية
بس الصراحة صوتنا راح و نحنا عم نأدي واجبنا تجاة الحكم
المزوغل
بس الشباب ما بهمها ان فاز الفريق ولاّ خسر لانو محبة النادي عم تمشي بعروئهن و شرايينهن من جوا
مع تحيات شلة الأوكليشن الرياضية عن جدارة و استحقاق
موضوع: الحكم العصفور قتل فرحة الجمهور!!!!! 
الأربعاء أبريل 21, 2010 1:39 am
