وجهة نظري الجزء السابع ((تجربة))

كيف ننظر
إلى أي الموضوع بشكل إيجابي

' كل صباح عندما استيقظ يكون عندي خيارين


أستطيع أن أكون في مزاج جيد

أو أن أكون في مزاج سيء


وفي كل مرة يحصل شيء سيء يكون عندي أيضاً خيارين إما أن أكون الضحية

وإما أن أتعلم من الأمر



و في كل مرة يتقدم أحدهم بشكوى يكون عندي خيارين إما أن أقبل هذه الشكوى وحسب



وإما أن أوضح للشخص الجانب الإيجابي من الأمر





لكن ذلك ليس بالأمر السهل '




' إن الحياة بشكل عام تتعلق بالخيارات.



وإذا لخصت
المواقف التي تمر معك فإنك سوف تجد أنها في النهاية تكون عبارة عن
خيارات،
فأنت تختار كيف تكون ردة فعلك في موقف معين، وكذلك تختار كيف سوف يكون تأثيرك على الآخرين, وتختار أيضاً أن تكون بمزاج سيء أو جيد ..... وبالنهاية
فإنه خيارك كيف تحيا حياتك '








ففي كل يوم عندك خيارين إما أن تستمتع بحياتك و إما أن تكرهها




و الشيء الوحيد الذي تملكه حقاً و الذي لا يستطيع أي شخص أن يأخذه
أو يتحكم به
هو

نظرتك للحياة


فإذا تمكنت من الاهتمام بذلك

فإن كل شي في
الحياة سوف يصبح أكثر سهولة

و الآن عندك خيارين ...

1.أن تسمع هذا الكلام فقط

2.أن تعتبره تجربة مرت مع شخص استفاد منها كثيرا

جورج شكرا موضوعك حلو وقيم ووازن
بس برأي التجربه ما بتكفي
ومو نحنا دائما منختار احيانا الموقف بينفرض علينا وتلقائيا بتتحول حياتنا لكابوس صباحا ومساء لأنه رح يضل هالشي معلق بحياتنا وبذاكرتنا
وأكيد مو بأيدنا
شكرا جورج

أكيد مو بأيدنا وأكيد في شغلات بالحياة بتخليك تعيش كوابيس مفحمة مو سودا بس


بس أنا يلي بدي وصلو انو الحياة خيارات والخيارات موجودة ونحن منختار

بس لو فينا نفكر شوي أبل ما نختار شو بدنا نساوي

بعتأد انو كلشي بيزبط

وانا حاليا ماشي بهل طريقة


وكتير مبسوط فيا وبدعيكن تجربوها

هلأ كتير أحيان نحنا المسؤولين عن اختياراتنا, بس مافينا ننكر انو احيانا منضطر نختار امور رغم عنا, ومابكون طالع بايدنا شي, ومنعرف انو مو زابطة بس منضل عليها.
وحتى لو فكرنا, بعتئد كل ما فكرنا باختياراتنا اكتر كل ما أحيانا بتنئلب عكسية.
مابعرف بس بحس الحكي سهل, تعا عالتطبيئ بتلائي كلو طار بالهوا.
حلو كتيييييييير الموضوع جورج. بس بدو مخمخة وئعدة طويلة, والله هلأ اكتر من هيك مابيطلع معي,
يسلمووووووو

هلأ أنا معك انو الانسان مخير و حياتو عبارة عن مجموعة خيارات متعددة
بس أحيانآ بيمرء على الانسان موائف بتخليه يكون غصب من عنو مسيّر
بس انك تفكر ئبل ما تقرر بلشي اللي بدك تعملو طريئة حلوة و بتخفف وجع راس لدرجة كبيرة
يسلمن ابو وديع الورد على هل الحكي الواقعي و المدوزن و الله لا يحرمنا من حكمك و حكياتك

اقتباس :

ومو نحنا دائما منختار احيانا الموقف بينفرض علينا وتلقائيا بتتحول حياتنا لكابوس صباحا ومساء لأنه رح يضل هالشي معلق بحياتنا وبذاكرتنا

أنا برفض هالكلام و بشدّة ...
الحياة و خياراتها العديدة الكثيرة دائماً بإيدنا و بنسبة 100%

جوووووووج مشكور ع الموضوع الرائع

مرحبا يا جماعة..

اقتباس :

ففي كل يوم عندك خيارين إما أن تستمتع بحياتك و إما أن تكرهها
و الشيء الوحيد الذي تملكه حقاً و الذي لا يستطيع أي شخص أن يأخذه
أو يتحكم به
هو...نظرتك للحياة

بشوف انو سعادتك بالحياة هية شي حقيقي وملموس مو مجرد شعور لازم تشعرو وتقتنع فيه ... والسعادة تكون تبعا للظروف التي وضعت نفسك أنت فيها ... متل ما قال معاذ.

والخيارات الوحيدة , هية نوعية الظروف اللي بتوافق تنوجد انت فيها .. ومن هون يا بتعيش بسعادة يا بكون طريقك وخيارك غلط , وبتاكلها بجنابك ...

تقبل مروري