ئرب جرب اي ئطعة عشر ليرات ------------- عفوا شباب وصبايا ماني فاتح بسطة او دكية بشارع الثورة وماني تاجر مبتدئ بسوء الحرامية كل الئصة اني تذكرت بني ادم على اساس انو دكتور بس هو دكتور بيطري كتير عليه مع الاحترام الشديد لهذه المهنة بس هالزلمة ترك انطباع سلبي عندي وعالاغلب عندكم كانت محاضراتو عبارة عن عزا( بعيد من هون )والطلاب عبارة عن معزين بوفاة مهنة الدكترة بالجامعة صاحبنا كان دايما يحمل بلوكة بين ايديه مليانة صور تاريخية من عصر جدي ابو طاسة واللي لفت نظري انها كلها طينية كانو ببرنامج الايدي الماهرة اللي كان يطلع عالارضية( رزء الله هديك الايام ) كان يحكي كلمات كلها اخرتا ششششش - فششششششش - تشششش ( عم يئلد صوت المي وبظن انواكيد بخاف من طشت الحمام ) الشيء المميز بهاد الدكتور انو كان ملحد ومرتد ومنكر لوجود النبي موسى وعلى ئولو انو النبي موسى كان سبيح درجة اولى وانو امو ماحططو بالئفة ( اكيد عئلاتو بياخدو وبيعطو وبدو شحن ) المهم يا جماعة الخير كان دايما يجيب اسماء غريبة عجيبة شاروكين مها بهارتا مهافيرا متل اسماء افلام كرتون ساسوكي وشرشبيل وسنبل وكله كوم والامتحانات كوم اذا شفتو لوحة النتائج ما بتشوفو غير الستينات والخمسينات واللي كاتب بتمانين بياخد خمسين وبالعكس من كم يوم شفتو عالشاشة يخزي العين على هالطلة متل طلة الصبوحة ايام المراهقة ولما طلع شميت ريحة التلفزيون من ورا وكنتكت الكهربا وابي اجيتو نوبة عصبية من حديثو واخي الصغير ( اسمو الجواد عمرو سنتين ) كان مروء مفكر حالو عم يشوف دعاية حفوضات ( العفو منكن )
موضوع: مواصفات دكاترتنا ( الحلقة الرابعة ) تاريخ الحضارة 
الخميس أبريل 15, 2010 5:04 am
