مواصفات دكاترتنا ( الحلقة الثالثة) منظمات دولية

اذا اردت ان تصف احد بتئل الدم مالك غير دكتور المنظمات الدكتور ده هو اللي بدي انتفلو ريشاتو اليوم لانو بصراحة وحسب تعبير الطلاب ( غضب الله المنزل ) لانو مالو علائة بشي اسمو معدلات لانو كل علاماتو بين الخمسين واذا شئت حالا الخمس وستين وصدئوني يا جماعة اذا كنت فاتح التلفزيون وشفت شي برنامج الو علائة بالمنظمات ولو حتى جمعية الرفق بالحيوان بتكركب وبتجيني صفنة فظيعة لانو محاضراتو بتخليني اتخيل حالي بشي مركز ثقافي وعم احضر شي امسية شعرية لشي شاعر ارعة ابوه مو معروف وينها ( بس اذا دققتو بصوتو بتحسوه بيشبه صوت الشاعر عمر الفرا ) وبحس حالي على سرير حرير والي 5 ايام مونايم ولما بتجيني الغفوة بسمعو عم يئول ( هي فقرة صغيري ممكن يجي منها بعشرين علامي )- بردو حسب لهجتو- الله وكيلكن هالبروفيسور بيذكرني بشباب سوء الحميدية هدول تبعون جينزات جديد تفضل بس هاد بيئول علامات كتيرة لفقرة صغيرة كانو فاتح جمعية خيرية عن روح جدو الخازم الاول المهم يا اخوان صاحبنا روح البو التئفيل عالطلاب واخر ضحاياه كان محسوبكن ( ألي طلع طفي المراوح رحت خبصت القواطع ببعضها راح ألي بصوتو يللي بيهر الدهان عن الحيط : لاتحلم بالنجاح قبل مونديال2014 ) بيني وبين حالي حمدت الله لانو منيح اللي ما ألي لا تحلم بالنجاح قبل ما تربح سوريا بكأس العالم ويكون الوصيف المنتخب الليبي الشقيق وعلى سيرة ليبيا معمر القذافي باحدى المرات شأ ميثاق الامم المتحدة بس كرمال الدكتور بس انا واثق انو هالزلمة هربان من مستشفى ابن سينا ( ارقى مشافي المجانين بالبلد يضم خيرة مثقفين ومبدعين البلد بئى اوعى تفكرو تصيرو متلن )

و الله الحكي يا جوجو كلو نظامي و ما عم تحكي شي غلط
بس نسيت انو الاخ روح البو الصدمات (البناتيّة) و طبعن هو نسونجي من طراز رفيع
و بدي منكن يا شباب و يا صبايا تأكدو منيح شاون بيلفظ كلمة تلفزيون
كانو الاختراع جديد و ما صلو سنتين (تيلفزيون )
يعيشك يا جعفور الغالي يا مبهدل الدكاترة!!!!

T I T O-Jaafr كتب:

الله وكيلكن هالبروفيسور بيذكرني بشباب سوء الحميدية هدول تبعون جينزات جديد تفضل بس هاد بيئول علامات كتيرة لفقرة صغيرة كانو فاتح جمعية خيرية عن روح جدو الخازم الاول )

يحرء ديبك شو نهفة لك من وين بتجيب هالحكي مشكووووووووووووووووووووووور يا أمور.

مائلتلك والله انت مافي منك تنين بهالجامعة.
بزمتي ماحدا عم يحس بأوجاعنا غيرك. ومتل مائال بهاء عنجد انك نهفة ونادرة من نوادر هالزمن.
الله محيّ أصلك. شكرا عهالموضوع ويللا ناطرين الكمالة.