مواصفات دكاترتنا ( الحلقة الثانية ) صحافة سورية ال big boos

سيادة عميد كلية المستقبل( كينغ القسم ) واللي اغنية عالوعد يا طلاب (عفوا) يا كمون بتلبئلو حفر وتنزيل و الصراحة متل ما بتعرفو مرة بس حلوة بئى ابو الشباب ملك الوعود الكاذبة مع كل أسف واللي بيئهر اكتر انو عامل روزة لحالو متل كانو رئيس مخفر حارة( كل مين ايدو الو) ابو كلبشة ماغيرو ودايما بكل محاضرة بعيد وبيفتئ بنفس الكلام على ئولة( الكليي السني الجاي ) حسب لهجتو طبعا مع خالص الاحترام لبلدو
انا بئلكن لا تتأملو كتير لانو الحكي ارخص من الفجل
المشكلة يا جماعة انو هو السبب بالمسابقة اللي خضناها وهو السبب بشرط المقابلة السنة الجاية
كف بلاك عن هالشعب المسكين اللي بدو يدرس اعلام ( لا تئرفو ) تركن يدرسو شو بدك فيون اذا كان الواحد مثقف او كان ابو جهل شو بدك مو انت اكتر واحد بتئول المعدل اهم شي يعني بالنهاية حفظ كتب ومحاضرات من كشك الخبز ( العائدي )
الله وكيلكن عم اكتب الموضوع وزرار الكيبورد رح تنهرس من كتر ماني مئهور وهلئ بتركن مع صفاتو الخارجية
1- عاقد الحاجبين وحاطط الشر بعيونو
2- كلمة شو الاخبار متل شربة المي عندو
3- بيحرك المايك دون ما يستعملو وكانو ملعئة مطبخ
4- بيحط ايديه عالطاولة متل الجنرالات
5- رنة موبايلو متل رنة تلفونا الارضي وكل مرة بئوم بدي رد بالفطرة
6- طريئة حكيو عالموبايل متل المهرب وناطر شحنة دخان مهرب المسا ( بيحكي وشوشة )
7- دايما بيحكي عن مغامراتو وشكلو رح يألف قصة ( محمد بابا والاربعين صحفي )

ياسيدي كلام حلوا

ولو اساتا جريدة الدومري كانت أخدتك ركض

بس ولا يهمك المستقبل أمامك الله ويوفقك

وانت بستاهل تكون من احسن الصحفين الناقدين

لانو بتوصل يلي بدك يا بطريقة مهضومة

عنجد معلم وعم استنى الكمالة

لك والله أنت الكينغ الحقيقي يا جعفر معلم والله معلم
‏ ثابر وإلى الأمام هاهاهاها

والله معك حئ بكل كلمة ئلتها.
روح ئلبوووووووووو التنظير, و يضربنا بأسألتو. تئول إلو تار مع هالطلاب
وكلوصار يغار من هزار وماحدا احسن من
حدا.
االله يئويك ياجعفر. تقدم ونحن ورائك

المشكلة يا جوجو اني بحسك منسجم كتير معو
اي ابئة زبلو ولا تحفظلو هي اول شغلة
بس لا تنسى الزيارة العالمية اللي بيفتئنا فيها (سلطان بروناي)
بس يحرئ ديبك شو خطر ع بالك مهرب شحنة دخان
و الحشا ازا الواح ب ............... ب.....................!!!!!
ع راسي و الله ابو الجوج الملك المقدام
هههههههههههههههه.

بذمتي انك نهفة من نهفات هالزمان ....
و الله هالكلام ولا أحلى ....
هالدكتور يعد تاني أسوأ دكتور بنظري .. ( اذا بالأصل حبينا نقول عنو دكتور )
مشكور أبو الجوج بانتظار تحكيلنا عن شي دكتور تاني ... :I*%: :N3o$:

يحرء ديبك يا زلمة على هالوصف الفظييييييييييييييييييييييع بدياك تأبدع بوصف دكتور الاقتصاد السياسي والاحصاء النظري لأنو خرج الواحد يأفل عليهم (ستايلهم كوميدي).