زغاريد شامية

1) أوووهاااا و يا صحن تييييين
أوووهاااا و مجلل بالياسمين
أوووهاااا و عروستنا صغيرة
أوووهاااا و ما طبقت العشرين

لي لي لي لي لي لي

2) أوووهاااا و طبخنا مجدرة
أوووهاااا و مجللة بالكزبرة
أوووهاااا و عروستنا حلوة
أوووهاااا و ما بدها غندرة

لي لي لي لي لي لي

3) أوووهاااا و يا صحن أجاص
أوووهاااا و مزين بالأماس
أوووهاااا و إلي بياخد ( بنت فلان )
أوووهاااا بيمشي مرفوع الراااااس

لي لي لي لي لي لي

4) أوووهاااا و يا جماااعة كلكن
أوووهاااا و ما نسينا فضلكن
أوووهاااا و اليوم عنا
أوووهاااا و إن شاء الله بكرا عندكن

لي لي لي لي لي لي

5) أوووهاااا و حصنتك بصورة ياسيين
أوووهاااا يــــــا زهر البساتييييييين
أوووهاااا و يا مصحف صغييييييير
أوووهاااا عـــــلى رؤوس السلاطيين

لي لي لي لي لي لي

6) أوووهاااا أم العريس أنا جوعانة
أوووهاااا بدي صفيحة مأمرة
أوووهاااا و إن شاء الله بضلي سالمة
أوووهاااا وديارك معمرة